🔥 TRENDING Cyclone Akvan Brings Heavy Rain to Kol... ಭಾರತ 95 ರನ್ ಮುನ್ನಡೆ, ರಾಹುಲ್ 136 ರನ್ ಶತ... ਗਾਜਿਅਾਬਾਦ ਦੇ ਲੋਨੀ ਵਿੱਚ ਸਦੱਦਾਮ ਨਾਮਕ ਯੁਵ... શિયાળુ સીઝનમાં બિયારણ, ખાતર અને જંતુના... ಬಾಂಗ್ಲಾದೇಶವಿರುದ್ದ ಜಯದೊಂದಿಗೆ ದಕ್ಷಿಣ ಆಫ್... Jharkhand CM orders review of teachers...
21 Nov 2026•
ગુજરાતી मराठी ਪੰਜਾਬੀ বাংলা
સુરતમાં સામાન્ય બોલાચાલી બાદ મિત્રની ચાકુ મારી હત્યા, આરોપી ઝડપાયો
Crime

સુરતમાં સામાન્ય બોલાચાલી બાદ મિત્રની ચાકુ મારી હત્યા, આરોપી ઝડપાયો

✍️ Reporter: Maheta Dhavalkumar Jitendrabhai 🗓 25 Sep 2026, 10:06 PM 👁 100
Share: 💬 WhatsApp 📘 Facebook 𝕏 Post

વેસુ વિસ્તારમાં ઇલેક્ટ્રિક દુકાને થયેલી મામૂલી બોલાચાલી બાદ એક મિત્રએ બીજા મિત્રની ગળાના ભાગે ચાકુ મારી હત્યા કરી નાખી. પોલીસે આરોપીની ધરપકડ કરી વધુ તપાસ હાથ ધરી છે.

સુરતના વેસુ વિસ્તારમાં ગુરુવારે મોડીરાત્રે એક મામૂલી બોલાચાલી અને ગાળાગાળી બાદ થયેલા ઝઘડાએ લોહીયાળ વળાંક લીધો હતો. વેસુમાં આવેલી એક ઇલેક્ટ્રિક દુકાને સામાન્ય બોલાચાલી બાદ ઉશ્કેરાયેલા જીતેન્દ્ર ઉર્ફે જીતુ શાહ નામના શખ્સે તેના જ મિત્ર મુકુલ બાદશાહ ઠાકુરની ગળાના ભાગે ચાકુના ઘા ઝીંકીને ઘાતકી હત્યા કરી નાખી છે. આ ઘટનાએ સમગ્ર વિસ્તારમાં ચકચાર મચાવી છે.

પ્રાપ્ત માહિતી અનુસાર, વેસુના હેગડેવાડ નગર ખાતે 'સિંગ ઇલેક્ટ્રિક' નામની દુકાન ચલાવતા સુરજ રાજપૂતની દુકાને 24 સપ્ટેમ્બરની રાત્રે સાડા નવેક વાગ્યે મુકુલ ઠાકુર અને જીતેન્દ્ર આવ્યા હતા. દુકાન પર ઉભા રહેવા દરમિયાન જીતેન્દ્રએ દુકાન માલિક સુરજને મહેણું માર્યું હતું, જેના કારણે બંને વચ્ચે ઉગ્ર બોલાચાલી અને ગાળાગાળી શરૂ થઈ ગઈ હતી. આ સમયે મુકુલે વચ્ચે પડીને જીતેન્દ્રને સમજાવવાનો પ્રયાસ કર્યો હતો અને બોલાચાલી શાંત પાડી તે જીતેન્દ્રને બાઈક પર બેસાડીને ઘરે મૂકી આવ્યો હતો.

જોકે, દુકાન માલિક સાથે થયેલી ઉગ્ર બોલાચાલીમાં મુકુલ વચ્ચે પડીને સમાધાન કરાવવાનો પ્રયાસ કરી રહ્યો હતો, પરંતુ જીતેન્દ્ર ઉશ્કેરાઈ ગયો હતો અને તેણે મુકુલ પર જ ચાકુ વડે હુમલો કર્યો હતો. જીતેન્દ્રએ મુકુલના ગળાના ભાગે ચાકુના ઘા ઝીંકીને તેની હત્યા કરી નાખી હતી. આ ઘટના બાદ આરોપી જીતેન્દ્ર ઘટનાસ્થળેથી ફરાર થઈ ગયો હતો.

ઘટનાની જાણ થતાં જ પોલીસ તાત્કાલિક ઘટનાસ્થળે પહોંચી ગઈ હતી અને મૃતદેહનો કબજો લઈ પોસ્ટમોર્ટમ માટે ખસેડ્યો હતો. પોલીસે આરોપી જીતેન્દ્રને ગણતરીની કલાકોમાં જ દબોચી લીધો હતો અને તેની સામે હત્યાનો ગુનો નોંધી કાયદેસરની કાર્યવાહી હાથ ધરી છે. પોલીસ આ મામલે વધુ તપાસ કરી રહી છે.
📲Get App