સાબરકાંઠા: ઈડરના જાદર ગામમાં ચારિત્ર્યની શંકામાં પત્નીની ગળું દબાવી હત્યા..

સાબરકાંઠાના-:
ઈડર તાલુકાના જાદર ગામની હરિપુરા સીમમાં ચારિત્ર્યની શંકાના કારણે એક પતિએ પોતાની પત્નીની ગળું દબાવી હત્યા કરી નાખી હોવાની ઘટના સામે આવી છે.આ ઘટનાએ સમગ્ર વિસ્તારમાં ચકચાર મચાવી છે..

પ્રાપ્ત માહિતી અનુસાર મૃતક મહિલાના પતિને તેની પત્નીના ચારિત્ર્ય પર શંકા હતી.આ શંકાના કારણે ઉશ્કેરાઈને તેણે આવેશમાં આવીને પોતાની પત્નીનું ગળું દબાવી દીધું હતું,જેના કારણે તેનું ઘટનાસ્થળે જ મોત નીપજ્યું હતું.આ ઘટનાની જાણ થતાં પોલીસ ઘટનાસ્થળે પહોંચી હતી,મૃતદેહનો કબજો મેળવી પોસ્ટમોર્ટમ માટે ખસેડ્યો હતો.પોલીસે પતિની અટકાયત કરી કાયદેસરની કાર્યવાહી હાથ ધરી છે.આ મામલે નાયબ પોલીસ અધિક્ષક ઈડર વિભાગ સ્મિત ગોહિલ દ્વારા ઘટના અંગે વધુ તપાસ હાથ ધરવામાં આવી રહી છે અને તેમણે આ ઘટના અંગે નિવેદન પણ આપ્યું છે.