કડોદરામાં દેસાઈ ફળિયા યુવક મંડળ દ્વારા ગણપતિ વિસર્જનની ભવ્ય ઉજવણી

કડોદરાના દેસાઈ ફળિયા યુવક મંડળ દ્વારા ગણપતિ બાપ્પાના વિસર્જન પ્રસંગે ભવ્ય ઉજવણી કરવામાં આવી. આ પ્રસંગે મોટી સંખ્યામાં ભક્તોએ શ્રદ્ધા અને ઉત્સાહ સાથે ભાગ લીધો હતો.

દેસાઈ ફળિયા યુવક મંડળ છેલ્લા ૫૦ વર્ષથી વધુ સમયથી ગણેશોત્સવનું આયોજન કરવાની પરંપરા જાળવી રહ્યું છે. આ વર્ષે પણ યુવક મંડળ દ્વારા આયોજિત ગણેશોત્સવમાં ગણેશ ભક્તોમાં અનેરો ઉત્સાહ જોવા મળ્યો હતો.

વિસર્જન યાત્રા દરમિયાન વાતાવરણ ભક્તિમય બન્યું હતું અને 'ગણપતિ બાપ્પા મોરિયા'ના નાદથી સમગ્ર વિસ્તાર ગુંજી ઉઠ્યો હતો. યુવક મંડળના આ પ્રયાસોની સ્થાનિક લોકો દ્વારા પ્રશંસા કરવામાં આવી હતી.