પલસાણા: ઐશ્વર્યા મિલ પરિવારે ભક્તિભાવપૂર્વક ગણેશજીની વિસર્જન યાત્રા યોજી

પલસાણા વિસ્તારમાં સ્થિત ઐશ્વર્યા મિલના પરિવારે ગણેશોત્સવના સમાપન પ્રસંગે ગણેશજીની ભવ્ય વિસર્જન યાત્રાનું આયોજન કર્યું હતું. આ યાત્રા ભક્તિભાવ, ઉત્સાહ અને હર્ષોલ્લાસ સાથે નીકળી હતી, જે સૌના આકર્ષણનું કેન્દ્ર બની હતી.

મિલ પરિવારે પરંપરાગત રીતે આયોજિત આ ધાર્મિક કાર્યક્રમમાં મિલ માલિકિન શ્રધ્ધાબેન ડુમડિયા, મિલ પરિવારના અન્ય સભ્યો તેમજ મોટી સંખ્યામાં કર્મચારીઓએ ઉત્સાહભેર ભાગ લીધો હતો. સૌએ સાથે મળીને ગણેશજીની મૂર્તિને ભક્તિભાવપૂર્વક વિદાય આપી હતી.

આ વિસર્જન યાત્રા દરમિયાન વાતાવરણ ભક્તિમય બન્યું હતું. કર્મચારીઓ અને મિલ સંચાલકો વચ્ચેનો સમન્વય અને એકતા સ્પષ્ટપણે જોવા મળી હતી. આ પ્રસંગે સૌએ એકબીજાને ગણેશોત્સવની શુભકામનાઓ પાઠવી હતી.