જૂનાગઢ: સીસીટીવી કેમેરાની મદદથી ઓટો રિક્ષામાંથી ભૂલાયેલ રૂ. ૧૫૦૦/- નું બેગ પરત અપાયું

જૂનાગઢ શહેરના ગાંધી ચોકથી કાળવા ચોક તરફ ઓટો રિક્ષામાં મુસાફરી કરી રહેલા એક અરજદાર, શ્રી તુલસીબેન વિનોદભાઇ ભુત, તેમનું રૂ. ૧,૫૦૦/- ની કિંમતના કપડાં તથા સામાન ભરેલું બેગ ઓટો રિક્ષામાં જ ભૂલી ગયા હતા.

આ ઘટના બાદ, નેત્રમ શાખા દ્વારા 'વિશ્વાસ પ્રોજેક્ટ' અંતર્ગત ઇન્સ્ટોલ કરવામાં આવેલા સીસીટીવી કેમેરાની મદદ લેવામાં આવી. કેમેરા ફૂટેજ દ્વારા ઓટો રિક્ષાના રૂટને ટ્રેક કરીને રિક્ષા નંબર GJ-09-AV-2601 ને શોધી કાઢવામાં આવી હતી.

નેત્રમ શાખાના પોલીસ સ્ટાફ દ્વારા તાત્કાલિક રિક્ષા ચાલકનો સંપર્ક કરવામાં આવ્યો. ત્યારબાદ, તુલસીબેનનું સામાન ભરેલું બેગ હેમખેમ મળી આવ્યું અને તેમને સુરક્ષિત રીતે પરત અપાવવામાં આવ્યું. પોલીસની આ ત્વરિત અને સચોટ કામગીરીને કારણે અરજદારને તેમનો સામાન પાછો મળ્યો.