પાકિસ્તાને અફઘાનિસ્તાનમાં ૧૦ સ્થળો પર હવાઈ હુમલા કર્યા, તાલીબાનની બદલો લેવાની ચીમકી

પાકિસ્તાને અફઘાનિસ્તાનમાં ૧૦ સ્થળો પર હવાઈ હુમલા કર્યાનો દાવો કર્યો છે. પાકિસ્તાનના જણાવ્યા અનુસાર, આ હુમલા એવા સ્થળો પર કરવામાં આવ્યા હતા જ્યાંથી પાકિસ્તાન વિરુદ્ધ ડ્રોન હુમલા કરવામાં આવતા હતા અને ડ્રોનનો સંગ્રહ કરવામાં આવતો હતો.

પાકિસ્તાનનો દાવો છે કે આ કાર્યવાહી દ્વારા તેણે આતંકવાદીઓના ઠેકાણાઓનો નાશ કર્યો છે. આ હુમલાઓને પગલે બંને દેશો વચ્ચે તણાવ વધી ગયો છે.

બીજી તરફ, અફઘાનિસ્તાનના શાસક તાલિબાન દ્વારા આ કાર્યવાહીનો સખત વિરોધ કરવામાં આવ્યો છે. તાલિબાને પાકિસ્તાનને આ કૃત્યનો બદલો લેવાની ચીમકી ઉચ્ચારી છે અને જણાવ્યું છે કે તેઓ આ આક્રમણનો યોગ્ય જવાબ આપશે.