રાણપુર મોડલ સ્કૂલમાં લોક દરબાર યોજાયો: ટ્રાફિક સહિત અનેક પ્રશ્નો પર ચર્ચા

બોટાદ જિલ્લાના રાણપુર શહેરની મોડલ સ્કૂલ ખાતે ડીવાયએસપી ચિંતન પટેલના અધ્યક્ષસ્થાને લોક દરબારનું આયોજન કરવામાં આવ્યું હતું. આ લોક દરબારમાં રાણપુર પોલીસ સ્ટેશનના પી.આઈ. એસ.એ. પટેલ સહિત પોલીસ સ્ટાફ, શહેરના વેપારી આગેવાનો, તાલુકા તથા જિલ્લા પંચાયતના ચૂંટાયેલા પ્રતિનિધિઓ, રાજકીય આગેવાનો અને મોટી સંખ્યામાં સ્થાનિક નાગરિકો ઉપસ્થિત રહ્યા હતા.

લોક દરબાર દરમિયાન, રાણપુર શહેરની ટ્રાફિક વ્યવસ્થા સહિત સ્થાનિક લોકો દ્વારા રજૂ કરવામાં આવેલા વિવિધ પ્રશ્નો અને સમસ્યાઓ પર વિસ્તૃત ચર્ચા-વિચારણા કરવામાં આવી હતી. ઉપસ્થિત આગેવાનો અને નાગરિકોએ પોતાના પ્રશ્નો પોલીસ અધિકારીઓ સમક્ષ રજૂ કર્યા હતા.

પોલીસ અધિકારીઓ દ્વારા રજૂ થયેલા પ્રશ્નોના સંદર્ભે જરૂરી માર્ગદર્શન આપવામાં આવ્યું હતું. શહેરના પડતર પ્રશ્નોના નિરાકરણ માટે જરૂરી સૂચનાઓ આપવામાં આવી હતી અને લોકોની સમસ્યાઓ અંગે પોલીસ તંત્ર દ્વારા શક્ય તેટલી કાર્યવાહી કરવાની ખાતરી આપવામાં આવી હતી. આ લોક દરબારના આયોજનથી પોલીસ અને નાગરિકો વચ્ચે સીધો સંવાદ અને સંકલન વધુ મજબૂત બનવાનો પ્રયાસ જોવા મળ્યો હતો.