લુણાવાડા ના વરધરી ગામે તળાવમાં માછલી પકડવા મુદ્દે ધિંગાણું...

લુણાવાડાના વરધરી ગામેથી એક ઘટના સામે આવી છે.વરધરી ગામે તળાવમાં માછલી પકડવા મુદ્દે ધિંગાણું...

વરધરી ગામના તળાવ ખાતે માછીમારી કરવા બાબતે બે જૂથ વચ્ચે સામાન્ય બોલાચાલી થઈ હતી. જોતજોતામાં આ બોલાચાલીએ ઉગ્ર સ્વરૂપ ધારણ કરતા, વરધરી પોલીસ ચોકી પાસે જ ઘર્ષણ સર્જાયું હતું.

આ ઘર્ષણમાં બે વ્યક્તિઓ ઘાયલ થયા હોવાની પ્રાથમિક માહિતી મળી રહી છે.

બનાવની જાણ થતા જ કોઠંબા પોલીસનો કાફલો તાત્કાલિક ઘટના સ્થળે પહોંચી ગયો હતો. ઈજાગ્રસ્તોને સારવાર અર્થે ખસેડવામાં આવ્યા છે અને ગામમાં હાલ શાંતિપૂર્ણ માહોલ છે. અને આગળની કાયદેસરની કાર્યવાહી હાથ ધરવામાં આવી છે