કચ્છમાંથી ચોમાસાની વિદાઈ: ૨૦૧૮ પછીનું સૌથી નબળું અને ટૂંકું ચોમાસું, સરેરાશ કરતા અડધું વરસાદ નોંધાયું.

કચ્છ: આ વર્ષે કચ્છમાં ચોમાસાની વિદાઈ થઈ ગઈ છે. હવામાન વિભાગે ૨૩ સપ્ટેમ્બરે ચોમાસું પૂર્ણ જાહેર કર્યું છે. આ વર્ષે ચોમાસું મોડું આવ્યું હતું અને અસામાન્ય રીતે ટૂંકું તથા નબળું રહ્યું છે.
આ વર્ષે ચોમાસાનું આગમન ૭ જુલાઈએ થયું હતું, જે સામાન્ય તારીખ કરતાં મોડું હતું. ૨૩ સપ્ટેમ્બરે હવામાન વિભાગે ચોમાસું પૂર્ણ જાહેર કરતાં તેની કુલ અવધિ માત્ર ૭૯ દિવસની રહી. આ ૨૦૧૮ પછીનું સૌથી નબળું ચોમાસું પુરવાર થયું છે. છેલ્લા આઠ વર્ષમાં પણ આ વર્ષે કચ્છમાં સૌથી નબળું ચોમાસું નોંધાયું છે.
વરસાદની વાત કરીએ તો કચ્છમાં સરેરાશ ૫૦૦ મિમી વરસાદની અપેક્ષા સામે આ વર્ષે માત્ર ૨૮૭ મિમી (૫૭.૬૦ ટકા) વરસાદ જ નોંધાયો છે. આનો અર્થ એ છે કે સામાન્ય કરતાં લગભગ ૪૩ ટકા ઓછો વરસાદ પડ્યો છે.
મોડું આગમન, ટૂંકી અવધિ અને નબળા વરસાદને કારણે આ વર્ષનું ચોમાસું કચ્છ માટે નિરાશાજનક રહ્યું છે. હવે ચોમાસાની વિદાઈ સાથે જિલ્લામાં શિયાળાની તૈયારીઓ અને પાણીના સંચાલન તરફ ધ્યાન કેન્દ્રિત કરવામાં આવશે.