પલસાણાના મલેકપોર ગામે યોજાયો સેવાસેતુ કાર્યક્રમ, ૧૬ ગામના નાગરિકોએ લાભ લીધો

પલસાણા તાલુકાના મલેકપોર ગામે આવેલા રાધાકૃષ્ણ મંદિર હોલ ખાતે બુધવારે "સેવાસેતુ કાર્યક્રમ"નું સફળતાપૂર્વક આયોજન કરવામાં આવ્યું હતું. આ કાર્યક્રમનો મુખ્ય ઉદ્દેશ્ય ગ્રામજનોને સરકારી કચેરીઓના ધક્કા ખાધા વિના એક જ સ્થળે વિવિધ સરકારી સેવાઓ અને યોજનાઓનો લાભ પૂરો પાડવાનો હતો.

આ "સેવાસેતુ કાર્યક્રમ"માં તરાજ, લીંગડ, ઈટાળવા, ધામદોડ-ઘલુડા, એના-ગોટીયા, વીંઝોડિયા, મલેકપોર, સીયોદ, પુણી, અમલસાડી, કણાવ, લાખણપોર, પારડી-પાતા, અંભેટી, વણેસા અને પીસાદ એમ કુલ મળીને ૧૬ ગામના નાગરિકોએ ઉત્સાહભેર ભાગ લીધો હતો અને વિવિધ સરકારી લાભો મેળવ્યા હતા.

કાર્યક્રમ દ્વારા લોકોને ઘરઆંગણે જ સરકારી યોજનાઓ અને સેવાઓ ઉપલબ્ધ કરાવીને તેમના સમય અને નાણાંની બચત કરવાનો પ્રયાસ કરવામાં આવ્યો હતો. આ પ્રકારના કાર્યક્રમો ગ્રામીણ વિસ્તારોમાં વહીવટી સુવિધાઓને સુલભ બનાવવામાં મહત્વનો ભાગ ભજવે છે.