ખેડબ્રહ્મામાં ભાદરવી પૂનમ: પદયાત્રીઓની સુરક્ષા માટે પોલીસ ડ્રોન કેમેરાથી નજર રાખશે..

ભાદરવી પૂનમના પવિત્ર અવસર નિમિત્તે, મોટી સંખ્યામાં પદયાત્રીઓ ખેડબ્રહ્માથી પસાર થઈ રહ્યા છે. આ પદયાત્રીઓની સુરક્ષા સુનિશ્ચિત કરવા અને ટ્રાફિક વ્યવસ્થાને સુચારુ રાખવા માટે ખેડબ્રહ્મા ડિવિઝન પોલીસ દ્વારા વિશેષ પગલાં લેવામાં આવ્યા છે.પોલીસે આ માટે આધુનિક ટેકનોલોજીનો સહારો લીધો છે. ડ્રોન કેમેરાની મદદથી પદયાત્રીઓના માર્ગ પર ચાંપતી નજર રાખવામાં આવી રહી છે.આ ટેકનોલોજીકલ દેખરેખ દ્વારા કોઈપણ અણધાર્યા બનાવને તાત્કાલિક પહોંચી વળવામાં મદદ મળશે અને યાત્રાળુઓની સુરક્ષા વધુ મજબૂત બનશે.

પોલીસ વિભાગ દ્વારા 'આપની સુરક્ષા, અમારી પ્રાથમિકતા'ના સૂત્ર સાથે આ વ્યવસ્થા ગોઠવવામાં આવી છે.આ પહેલનો મુખ્ય ઉદ્દેશ્ય ભાદરવી પૂનમની યાત્રાને સુરક્ષિત અને સુગમ બનાવવાનો છે, જેથી શ્રદ્ધાળુઓ કોઈપણ ચિંતા વગર પોતાની ધાર્મિક યાત્રા પૂર્ણ કરી શકે.