સાવરકુંડલાના વીજપડી ગામે ગેરકાયદે બાંધકામ પર બુલડોઝર ફેરવાયું

સાવરકુંડલા તાલુકાના વીજપડી ગામે આજરોજ ગેરકાયદે બાંધકામો પર વહીવટીતંત્ર દ્વારા બુલડોઝર ફેરવી દેવામાં આવ્યું. આ કાર્યવાહી અગાઉ આપવામાં આવેલી નોટિસ બાદ હાથ ધરવામાં આવી હતી.

વીજપડી ગામ સાવરકુંડલા તાલુકાનું સૌથી મોટું ગામ હોવાની સાથે સાથે ચાર તાલુકાઓનું મહત્વનું વેપાર કેન્દ્ર પણ છે. આ ગામમાં રોજબરોજ ખરીદી માટે મોટી સંખ્યામાં લોકોની ભીડ જામે છે, ત્યારે આવા સ્થળે ગેરકાયદે બાંધકામો સામે કડક પગલાં લેવાયા છે.

જવાબદાર વિભાગ દ્વારા ગેરકાયદે બાંધકામ કરનારાઓને અગાઉ નોટિસ આપીને જાણ કરવામાં આવી હતી. તેમ છતાં બાંધકામ દૂર કરવામાં ન આવતાં, આજે વહીવટીતંત્ર દ્વારા જાતે કાર્યવાહી કરીને ગેરકાયદે બાંધકામો તોડી પાડવામાં આવ્યા હતા.