Local
લીલીયામાં ૨૧ કરોડ બાદ પણ ગટર સમસ્યા યથાવત: નાવલી બજારમાં ગંદા પાણીથી વેપારીઓ-નાગરિકો પરેશાન
અમરેલી જિલ્લાના લીલીયામાં ૯ કરોડની ભૂગર્ભ ગટર યોજના અને ૧૨ કરોડના રિપેરિંગ બાદ પણ ગંદા પાણીની સમસ્યા યથાવત રહી છે. નાવલી બજારમાં ગટર ઉભરાતા વેપારીઓ અને રાહદારીઓ પરેશાન છે અને રોગચાળાનો ભય સેવાઈ રહ્યો છે.
લીલીયા શહેરની ભૂગર્ભ ગટર યોજના કરોડો રૂપિયાના ખર્ચ છતાં સંપૂર્ણપણે નિષ્ફળ સાબિત થઈ છે. ૯ કરોડ રૂપિયાના ખર્ચે બનેલી આ યોજનાના અણઘડ કામકાજને કારણે શરૂઆતથી જ સમસ્યાઓ ઊભી થઈ હતી. શહેરના અનેક વિસ્તારોમાં ગટરના ગંદા પાણી ઉભરાવા લાગ્યા હતા. લોકોની લાંબા સમયની રજૂઆતો બાદ, તંત્ર દ્વારા આ યોજનાના સમારકામનો નિર્ણય લેવાયો હતો.
યોજનાના સમારકામ પાછળ મૂળ ખર્ચ કરતાં પણ વધુ, એટલે કે ૧૨ કરોડ રૂપિયાનો ખર્ચ કરવામાં આવ્યો. આમ, કુલ ૨૧ કરોડ રૂપિયાનો જંગી ખર્ચ કરવા છતાં ભૂગર્ભ ગટરની સમસ્યા યથાવત રહી છે. હાલમાં લીલીયા શહેરની નાવલી બજારમાં ગટરના ગંદા પાણી ભરાઈ રહેતા વેપારીઓ અને રાહદારીઓને બદબુ મારતા પાણીમાંથી પસાર થવાની ફરજ પડી રહી છે. આ પરિસ્થિતિને કારણે સ્થાનિકોમાં રોગચાળા ફાટી નીકળવાની ભીતિ પણ સેવાઈ રહી છે.
લીલીયા શહેરમાં ભૂગર્ભ ગટરની સમસ્યા છેલ્લા દોઢ દાયકાથી ચાલી રહી છે. નગરપાલિકા તંત્ર દ્વારા ૯ કરોડની યોજના અને તેના રિપેરિંગ પાછળ ૧૨ કરોડ રૂપિયાનો ખર્ચ કરવામાં આવ્યો હોવા છતાં સ્થિતિમાં કોઈ સુધારો થયો નથી. આ ગંદકીના કારણે વેપારીઓને ધંધા-રોજગારમાં પણ મોટો ફટકો પડી રહ્યો છે, કારણ કે ગ્રાહકો આવા ગંદા વાતાવરણમાં આવવાનું ટાળી રહ્યા છે.
ઉલ્લેખનીય છે કે, લીલીયા શહેરમાં ભૂગર્ભ ગટર યોજનાની જેમ જ પાણી પુરવઠા યોજનાની સ્થિતિ પણ ચિંતાજનક છે. કરોડો રૂપિયાનો ખર્ચ કરીને શહેરમાં પાઈપલાઈન, સંપ અને ઓવરહેડ ટેન્ક બનાવવામાં આવ્યા હોવા છતાં અનેક વિસ્તારોમાં લોકોને ઘરવપરાશ માટે પાણીના કનેક્શન આપવામાં આવ્યા નથી.
યોજનાના સમારકામ પાછળ મૂળ ખર્ચ કરતાં પણ વધુ, એટલે કે ૧૨ કરોડ રૂપિયાનો ખર્ચ કરવામાં આવ્યો. આમ, કુલ ૨૧ કરોડ રૂપિયાનો જંગી ખર્ચ કરવા છતાં ભૂગર્ભ ગટરની સમસ્યા યથાવત રહી છે. હાલમાં લીલીયા શહેરની નાવલી બજારમાં ગટરના ગંદા પાણી ભરાઈ રહેતા વેપારીઓ અને રાહદારીઓને બદબુ મારતા પાણીમાંથી પસાર થવાની ફરજ પડી રહી છે. આ પરિસ્થિતિને કારણે સ્થાનિકોમાં રોગચાળા ફાટી નીકળવાની ભીતિ પણ સેવાઈ રહી છે.
લીલીયા શહેરમાં ભૂગર્ભ ગટરની સમસ્યા છેલ્લા દોઢ દાયકાથી ચાલી રહી છે. નગરપાલિકા તંત્ર દ્વારા ૯ કરોડની યોજના અને તેના રિપેરિંગ પાછળ ૧૨ કરોડ રૂપિયાનો ખર્ચ કરવામાં આવ્યો હોવા છતાં સ્થિતિમાં કોઈ સુધારો થયો નથી. આ ગંદકીના કારણે વેપારીઓને ધંધા-રોજગારમાં પણ મોટો ફટકો પડી રહ્યો છે, કારણ કે ગ્રાહકો આવા ગંદા વાતાવરણમાં આવવાનું ટાળી રહ્યા છે.
ઉલ્લેખનીય છે કે, લીલીયા શહેરમાં ભૂગર્ભ ગટર યોજનાની જેમ જ પાણી પુરવઠા યોજનાની સ્થિતિ પણ ચિંતાજનક છે. કરોડો રૂપિયાનો ખર્ચ કરીને શહેરમાં પાઈપલાઈન, સંપ અને ઓવરહેડ ટેન્ક બનાવવામાં આવ્યા હોવા છતાં અનેક વિસ્તારોમાં લોકોને ઘરવપરાશ માટે પાણીના કનેક્શન આપવામાં આવ્યા નથી.