અમદાવાદ: ગોતામાં ક્રેઈનની ટક્કરથી કોલેજ વિદ્યાર્થિનીનું મોત, ચાલક ફરાર

અમદાવાદ શહેરના ગોતા વિસ્તારમાં આવેલી સિલ્વર ઓક કોલેજ નજીક એક ગંભીર અકસ્માત સર્જાયો છે. એક ક્રેઈનની ટક્કર વાગવાથી કોલેજમાં અભ્યાસ કરતી એક યુવતીનું ઘટનાસ્થળે જ દુઃખદ અવસાન થયું છે.

પ્રાથમિક માહિતી અનુસાર, મૃતક યુવતી કોલેજની વિદ્યાર્થિની હોવાનું જાણવા મળ્યું છે. અકસ્માત સર્જાયા બાદ ક્રેઈન ચાલક ઘટનાસ્થળેથી ફરાર થઈ ગયો હતો, જેના કારણે પોલીસ તપાસમાં વધુ મુશ્કેલી ઊભી થઈ શકે છે.

આ ગમખ્વાર અકસ્માતની ઘટના બન્યા બાદ મોટી સંખ્યામાં લોકોના ટોળા ઘટનાસ્થળે એકત્ર થઈ ગયા હતા. લોકોમાં અકસ્માતને લઈને ચકચાર મચી જવા પામી હતી.