સાબરકાંઠા: હિંમતનગરના હાથમતી જળાશય ખાતે 'સેવા સંકલ્પ અભિયાન' અંતર્ગત સ્વચ્છતા અને વૃક્ષારોપણ યોજાયું..

સાબરકાંઠા જિલ્લાના-:
હિંમતનગર તાલુકાના ફતેપુર ખાતે રાજ્ય સરકારના સિંચાઇ વિભાગ હસ્તકની હાથમતી જળાશય યોજનામાં 'સેવા સંકલ્પ અભિયાન' અંતર્ગત એક વિશેષ કાર્યક્રમ યોજાયો હતો. આ કાર્યક્રમ દરમિયાન જળાશય પરિસરમાં સ્વચ્છતા અભિયાન હાથ ધરવામાં આવ્યું હતું અને વૃક્ષારોપણ કરવામાં આવ્યું હતું.આ પ્રસંગે ફતેપુર માંકડીના સરપંચ અને પૂર્વ જિલ્લા પંચાયત સદસ્ય (ખેડ બેઠક) વિશેષ રૂપે ઉપસ્થિત રહ્યા હતા. તેમની પ્રેરણાદાયી ઉપસ્થિતિમાં હાજર રહેલા તમામ લોકોએ પર્યાવરણની જાળવણી અને સુરક્ષા માટેના દ્રઢ સંકલ્પ લીધા હતા..

આ અભિયાનનો મુખ્ય ઉદ્દેશ્ય જળાશયની આસપાસના વિસ્તારને સ્વચ્છ રાખવાનો અને વધુમાં વધુ વૃક્ષો વાવીને પર્યાવરણનું સંતુલન જાળવવાનો છે.સ્થાનિક આગેવાનો અને ગ્રામજનોએ આ ભગીરથ કાર્યમાં ઉત્સાહભેર ભાગ લીધો હતો.