வேலூர்: காட்பாடி வட்டாட்சியர் அலுவலகத்தில் லஞ்ச ஒழிப்புத் துறையினர் அதிரடி சோதனை!

வேலூர் மாவட்டம் காட்பாடி வட்டாட்சியர் அலுவலகத்தில் லஞ்ச ஒழிப்புத் துறையினர் அதிரடி சோதனை மேற்கொண்டுள்ளனர். லஞ்ச ஒழிப்புத் துறை டி.எஸ்.பி சங்கர் தலைமையில் இந்தச் சோதனை நடத்தப்பட்டது.

இந்தச் சோதனையின் போது, காட்பாடி வட்டாட்சியர் மகேஸ்வரியின் அறை உள்ளிட்ட பல்வேறு பகுதிகளில் அதிகாரிகள் தீவிர சோதனையில் ஈடுபட்டனர்.

மேலும், அலுவலகத்தில் இருந்த கணினிகள் மற்றும் முக்கியப் பதிவேடுகளையும் லஞ்ச ஒழிப்புத் துறை அதிகாரிகள் தீவிரமாகச் சோதனையிட்டு ஆய்வு செய்தனர்.