દેણવા ગામે વીજળી પડતાં મહિલાનું કરૂણ મોત

આમોદ તાલુકાના દેણવા ગામે એક દુઃખદ ઘટના બની છે. ખેતરમાં કામ કરી રહેલી આશરે 40 વર્ષીય કપિલાબેન વિનોદભાઈ પર અચાનક વીજળી પડતાં તેઓ ગંભીર રીતે ઈજાગ્રસ્ત થયા હતા.

ઘટના બાદ તાત્કાલિક ધોરણે તેમને આમોદ રેફરલ હોસ્પિટલ ખાતે ખસેડવામાં આવ્યા હતા. જોકે, ફરજ પરના તબીબે તેમને તપાસ્યા બાદ મૃત જાહેર કર્યા હતા. આ ઘટનાના પગલે દેણવા ગામ સહિત સમગ્ર વિસ્તારમાં શોકનો માહોલ છવાયો છે.

આ અંગે પોલીસે જરૂરી કાર્યવાહી હાથ ધરી છે અને વધુ તપાસ હાથ ધરવામાં આવી રહી છે.