ટ્રક ખાણિયામાં ઉતર્યો, વીજપડી રોડ પર કોઈ જાનહાનિ નહિ

અમરેલી, ૨૧ માર્ચ — વીજપડી ગામ નજીક રાજુલા રોડ પર એક મોટો ડમ્પર અચાનક રસ્તા પરથી નીચે ખાણિયામાં ઉતર્યો, જેનાથી અકસ્માત સર્જાયો.

સદનસીબે ટ્રકમાં સવાર કોઈ પણ વ્યક્તિને ઈજા પહોંચી ન હતી અને કોઈ જાનહાનિ પણ થઈ નથી.

સ્થાનિક લોકોના જણાવ્યા મુજબ ટ્રક રાજુલા તરફ જઈ રહ્યો હતો ત્યારે અચાનક સ્ટીયરિંગ પરથી કાબુ ગુમાવતા રોડની બાજુના ખાડામાં ઉતરી ગયો.

ટ્રકને બહાર કાઢવા માટે ભારે મહેનત કરવી પડી, ત્યારબાદ ક્રેનની મદદથી તેને બહાર કાઢવામાં આવ્યો.

જાનહાનિ ન થતાં સ્થાનિક લોકોએ રાહતનો શ્વાસ લીધો.