મીલ ક્વાટર્સ વિસ્તારમાં વરસાદી પાણી ભરાતા ગંદકીનું સામ્રાજ્ય: નગરપાલિકાની ઘોર બેદરકારી સામે આવી

સ્થાનિક મીલ ક્વાટર્સ વિસ્તારમાં ચોમાસા દરમિયાન વરસાદી પાણીનો ભરાવો થતાં સમગ્ર વિસ્તાર ગંદકીનો અડ્ડો બની ગયો છે. નગરપાલિકા તંત્રની ઘોર બેદરકારીના કારણે સ્થાનિક રહીશોને ભારે હાલાકીનો સામનો કરવો પડી રહ્યો છે.

વરસાદી પાણીના યોગ્ય નિકાલની વ્યવસ્થા ન હોવાને કારણે મીલ ક્વાટર્સ વિસ્તારમાં લાંબા સમયથી પાણી ભરાયેલા રહે છે. આ ભરાયેલા પાણીના કારણે સમગ્ર વિસ્તારમાં દુર્ગંધ અને ગંદકી ફેલાઈ રહી છે, જેનાથી સ્થાનિક સ્તરે રોગચાળો ફેલાવવાનો ભય પણ સતત વધી રહ્યો છે.

નગરપાલિકા દ્વારા આ ગંભીર સમસ્યાના કાયમી ઉકેલ માટે કોઈ યોગ્ય પગલાં લેવામાં આવ્યા નથી. તંત્રની આ કથિત નિષ્ક્રિયતા અને બેદરકારી સામે સ્થાનિક નાગરિકોમાં ભારે આક્રોશ જોવા મળી રહ્યો છે અને વહેલી તકે પાણીના નિકાલની કામગીરી હાથ ધરવામાં આવે તેવી માંગ ઉઠી રહી છે.
રિપોર્ટર વિપુલ પરમાર