ગિરનાર વન્યજીવ અભયારણ્યમાં ભારે વરસાદ દરમિયાન આત્મેશ્વર મહાદેવ મંદિર ખાતે યાત્રાળુઓનું સલામત રેસ્ક્યુ

ગિરનાર વન્યજીવ અભયારણ્ય વિસ્તારમાં ભારે વરસાદ દરમિયાન આત્મેશ્વર મહાદેવ મંદિર પાસે યાત્રાળુઓ અટવાયા હોવાનું જાણ થતાં વન વિભાગે તાત્કાલિક રેસ્ક્યુ કામગીરી શરૂ કરી.

વન વિભાગ અને ફાયર બ્રિગેડની સંયુક્ત ટીમે પડકારજનક પરિસ્થિતિમાં સ્થળ પર પહોંચી તમામ યાત્રાળુઓને સાવચેતીપૂર્વક સુરક્ષિત રીતે બહાર કાઢ્યા.

ત્વરિત કામગીરી અને અસરકારક સંકલનથી મોટી દુર્ઘટના ટળી, યાત્રાળુઓને કોઈ ઇજા વિના સલામત રીતે બહાર કાઢવામાં આવ્યા.

અધિકારીઓએ જણાવ્યું કે વરસાદના કારણે માર્ગો બંધ હતા, પરંતુ રેસ્ક્યુ ટીમે યોગ્ય સાધનો અને માર્ગદર્શન સાથે કાર્ય કર્યું.