મુખ્યમંત્રી દ્વારા ટેન્ડર પ્રક્રિયામાં સમયમર્યાદા ઘટાડીને માર્ગ અને મકાન વિભાગના કામો ઝડપી

મુખ્યમંત્રી દ્વારા માર્ગ અને મકાન વિભાગના કામો ઝડપથી પૂર્ણ કરવા માટે ટેન્ડર પ્રક્રિયામાં મહત્વપૂર્ણ ફેરફારો કરવામાં આવ્યા છે. ટેન્ડરની માન્યતા સમયગાળો 120 દિવસથી ઘટાડીને 90 દિવસ કરવામાં આવ્યો છે.

ટેન્ડર મંજૂરીની પ્રક્રિયા હવે મહત્તમ 51 દિવસ (ફક્ત ફાઇનાન્સીયલ બીડ) અને 66 દિવસ (ટેકનિકલ અને ફાઇનાન્સીયલ બંને બીડ)માં પૂર્ણ કરવી પડશે. આ માટે ક્ષેત્રીય કચેરી, સચિવાલય અને નાણા વિભાગ સહિતની તમામ સ્તરે કડક સમયમર્યાદા નક્કી કરવામાં આવી છે.

આ સુધારા દ્વારા રાજ્યમાં પુલ, રસ્તા અને સરકારી મકાનોના પ્રોજેક્ટ્સની ગતિમાં વધારો થશે અને કામો સમયસર શરૂ થઈ શકે છે. મુખ્યમંત્રીનું આ પગલું ઇન્ફ્રાસ્ટ્રક્ચર ક્ષેત્રમાં કાર્યક્ષમતા વધારવા માટે મહત્વપૂર્ણ ગણાય છે.