સુરતના અમરોલી વિસ્તારમાં મોપેડ ચોરી કેસમાં આરોપી ઝડપી

સુરત શહેરના અમરોલી પોલીસ સ્ટેશન વિસ્તારમાં ગત દિવસોમાં થયેલી વાહન ચોરીનો ભેદ પોલીસે ગણતરીના દિવસોમાં ઉકેલી કાઢ્યો છે. અમરોલી પોલીસે બાતમીના આધારે સઘન તપાસ હાથ ધરીને ચોરી થયેલા મોપેડ સાથે એક આરોપીને ઝડપી પાડી કાયદેસરની કાર્યવાહી હાથ ધરી છે.

10 સપ્ટેમ્બર 2026ના રોજ મોડી રાતથી વહેલી સવારના સમયગાળા દરમિયાન ગોપીનાથ સોસાયટી, છાપરાભાઠા રોડ પર રહેતા ફરિયાદીના ઘર પાસેથી સુઝુકી એક્સેસ મોપેડ રજી. નં. GJ-05-UA-9538, જેની અંદાજિત કિંમત રૂપિયા 35,000 છે, ચોરી થઈ હતી.

પોલીસને બાતમી મળી કે ચોરી થયેલા મોપેડ સાથે શંકાસ્પદ વ્યક્તિ કોસાડ લેક ગાર્ડન પાસેથી પસાર થઈ રહ્યો છે. વોચ ગોઠવીને આરોપીને ત્યાંથી રંગેહાથ ઝડપી પાડી.

આરોપીને ભારતીય ન્યાય સંહિતા 2023 ની કલમ 303(2) હેઠળ ગુનો નોંધવામાં આવ્યો અને મોપેડ જપ્ત કરી આગળની કાયદેસરની તપાસ હાથ ધરી.