વડનગર કોર્ટના સજા વોરંટના નાસતા ફરતા આરોપીને વડનગર પોલીસે ઝડપી..

મહેસાણા જિલ્લાના વડનગરમાં વડનગર પ્રિન્સીપાલ સીવીલ કોર્ટના સજા વોરંટના એક આરોપીને પોલીસે ઝડપી પાડવામાં સફળતા મેળવી છે. આ આરોપી છેલ્લા કેટલાક સમયથી પોલીસને ચકમો આપી નાસતો ફરતો હતો.

ગાંધીનગર રેન્જ નાયબ પોલીસ મહાનિરીક્ષક વિરેન્દ્રસિંહ યાદવ, મહેસાણા પોલીસ અધિક્ષક હિમાંશુ સોલંકી તથા ખેરાલુ વિભાગના નાયબ પોલીસ અધિક્ષક જે.ડી.કંસારાના માર્ગદર્શન હેઠળ વડનગર સ્માર્ટ પોલીસ સ્ટેશનના પોલીસ ઇન્સ્પેક્ટર ઓ.પી.સીસોદીયાની સૂચનાથી આ કામગીરી હાથ ધરવામાં આવી હતી..

મળતી માહિતી મુજબ, વડનગર પ્રિન્સીપાલ સીવીલ કોર્ટના સી.સી. નંબર-૨૦૨/૨૦૨૧ ના સજા વોરંટનો આરોપી ઇસમ ઠાકોર કિશનજી રતનજી (રહે. સબલપુર, તા. વડનગર, જી. મહેસાણા) છે. વડનગર સ્માર્ટ પોલીસ સ્ટેશનના આસિસ્ટન્ટ સબ ઇન્સ્પેક્ટર મૂળજીભાઈ જેઠાભાઈ દ્વારા સરાહનીય કામગીરી કરીને આ નાસતા ફરતા આરોપીને ઝડપી પાડી કાયદેસરની કાર્યવાહી હાથ ધરવામાં આવી છે.વડનગર પોલીસની આ પ્રશંસનીય કામગીરીથી ગુનેગારોમાં ફાળ પડી છે.