વડાપ્રધાનના જન્મદિવસે ચિલોડામાં સેવા સંકલ્પ અભિયાન: અનાજ વિતરણ અને બાઈક યાત્રા

વડાપ્રધાન નરેન્દ્ર મોદીના જન્મદિવસ નિમિત્તે ‘સેવા સંકલ્પ અભિયાન’ અંતર્ગત ચિલોડા ખાતે ગંગા સ્વરૂપા માતાઓ-બહેનોને અનાજની કીટનું વિતરણ કરવામાં આવ્યું. કાર્યક્રમમાં નાયબ મુખ્યમંત્રી હર્ષ સંઘવી ઉપસ્થિત રહ્યા અને બહેનોનું સન્માન કર્યું.

આ દરમિયાન વડનગરથી વારાણસીની બાઈક સેવા યાત્રા પણ ચિલોડા પહોંચી હતી. યાત્રા સાથે જોડાયેલા યુવાનો દ્વારા સ્વચ્છતા, ગૌસેવા, વડીલોની મુલાકાત અને સરકારી યોજનાઓનો લાભ છેવાડાના લોકો સુધી પહોંચાડવાનો સંદેશ આપવામાં આવી રહ્યો છે.

‘સેવા, સમર્પણ અને સંકલ્પ’ના સંદેશ સાથે આ યાત્રા આગળ વધી રહી છે.