ଲିଙ୍ଗରାଜ ମନ୍ଦିରରେ ପୁଣି ନୀତିକାନ୍ତି ବନ୍ଦ; ସେବାୟତ ବିବାଦରେ ଅଟକିଲା ସେବା

ଭୁବନେଶ୍ୱର: ରାଜଧାନୀର ପ୍ରସିଦ୍ଧ ଶ୍ରୀଲିଙ୍ଗରାଜ ମନ୍ଦିରରେ ପୁଣି ଥରେ ନୀତିକାନ୍ତି ବନ୍ଦ ହୋଇଯାଇଛି। ଗତକାଲି ରାତି ପ୍ରାୟ ୧୧ଟାରୁ ପୂଜାପଣ୍ଡା ସେବାୟତଙ୍କ ନୀତି ବନ୍ଦ ରହିଥିବା ସୂଚନା ମିଳିଛି। ପତ୍ରି ଓ ପୂଜାପଣ୍ଡା ସେବାୟତଙ୍କ ମଧ୍ୟରେ ସେବାକୁ କେନ୍ଦ୍ର କରି ଉପୁଜିଥିବା ବିବାଦ ଯୋଗୁଁ ଠାକୁରଙ୍କ ନିୟମିତ ସେବା ନିର୍ଦ୍ଧାରିତ ସମୟରେ ସମ୍ପନ୍ନ ହୋଇପାରିନାହିଁ।

ସୂଚନା ଅନୁଯାୟୀ, ବଡ଼ସିଂହାର ବେଶ ପରଠାରୁ ପୂଜାପଣ୍ଡା ସେବାୟତମାନେ ନୀତିକାନ୍ତି ବନ୍ଦ ରଖିଛନ୍ତି। ଫଳରେ ରାତ୍ରି ଓ ସକାଳର ଅନେକ ଗୁରୁତ୍ୱପୂର୍ଣ୍ଣ ନୀତି ପ୍ରଭାବିତ ହୋଇଛି। ଦୀର୍ଘ ସମୟ ଧରି ସେବା ବାଧାପ୍ରାପ୍ତ ହେବାରୁ ଦର୍ଶନ ପାଇଁ ଆସିଥିବା ଶ୍ରଦ୍ଧାଳୁଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି।

ଏହି ବିବାଦର ସମାଧାନ ପାଇଁ ଆଜି ସକାଳ ୧୦ଟାରେ ମନ୍ଦିର ପ୍ରଶାସନ ଓ ଉଭୟ ସେବାୟତ ଗୋଷ୍ଠୀଙ୍କ ମଧ୍ୟରେ ଏକ ଜରୁରୀ ବୈଠକ ବସିଛି। ବୈଠକରେ ନୀତିକାନ୍ତି ସ୍ୱାଭାବିକ କରିବା ସହ ସେବାକୁ ନେଇ ଉପୁଜିଥିବା ବିବାଦର ସମାଧାନ ଉପରେ ଆଲୋଚନା ହେବ।