મોરંગી ગામમાં મહિલા પર હુમલો: આરોપી મહિલાઓએ વાળ પકડી ધમકી આપી

મોરંગી ગામ, રાજુલા, 17 માર્ચ 2024 ના રોજ, રેખાબેન ભીમજીભાઈ ચાવડા (ઉંમર 40) દ્વારા ડુંગર પોલીસ સ્ટેશનમાં ફરિયાદ નોંધાઈ, જેમાં આરોપી મહિલાઓએ વાળ પકડી ધમકી આપી અને શરીરે હુમલો કર્યો.

ફરિયાદમાં આરોપી તરીકે નસીમબેન મહમદભાઈ શેખ, ગઝાલા આદિલભાઈ શેખ અને શેહનાઝબેન અબ્દુલભાઈ શેખના નામ જણાવ્યા છે. ફરિયાદી અને આરોપી મહિલાઓ પાડોશી છે અને બંનેનો આવવા-જવાનો રસ્તો એક જ છે. આરોપી મહિલાઓએ આ સામાન્ય રસ્તા પર દબાણ કરી મકાન બનાવી દીધું હોવાનો કેસ હાલ કોર્ટમાં ચાલી રહ્યો છે.

ત્યારબાદ ફરિયાદી પોતાના ઘરનો કચરો વોંકળામાં નાખવા ગયા ત્યારે ત્રણેય આરોપી મહિલાઓએ તેમની સાથે બોલાચાલી કરી ઝઘડો કર્યો, જે અંગે તેમણે પોલીસમાં અરજી પણ આપી હતી. આ બાબતની દાઝ રાખીને ત્રણેય આરોપી મહિલાઓએ એકસંપ થઈ ફરિયાદીના વાળ પકડી ઢીકાપાટુનો માર્યો અને શરીરે આડેધડ મૂંઢમાર મારી જાનથી મારી નાખવાની ધમકી આપી.

આ બનાવ અંગે ડુંગર પોલીસ સ્ટેશનના હેડ કોન્સ્ટેબલ એમ.એલ. ભેરડા વધુ તપાસ કરી રહ્યા છે.