કૂકાવાવ ખાતે પ્રધાનમંત્રીના જન્મદિવસ નિમિત્તે વડિયા યુવા ભાજપ દ્વારા બ્લડ ડોનેશન કેમ્પ યોજાયો

આજે માનનીય પ્રધાનમંત્રી શ્રી નરેન્દ્ર મોદીના જન્મદિવસ નિમિત્તે વડિયા યુવા ભાજપ દ્વારા કૂકાવાવ ખાતે એક વિશાળ બ્લડ ડોનેશન કેમ્પનું ભવ્ય આયોજન કરવામાં આવ્યું હતું. આ પ્રસંગે યુવા ભાજપના હોદ્દેદારો, સ્થાનિક અગ્રણીઓ અને મોટી સંખ્યામાં યુવાનો ઉપસ્થિત રહ્યા હતા.
કેમ્પ દરમિયાન અનેક રક્તદાતાઓએ ઉત્સાહપૂર્વક રક્તદાન કરીને સામાજિક જવાબદારી નિભાવી હતી. યુવા ભાજપના કાર્યકરો દ્વારા તમામ રક્તદાતાઓનો આભાર વ્યક્ત કરવામાં આવ્યો હતો અને માનનીય પ્રધાનમંત્રીશ્રીને દીર્ઘાયુ અને સ્વસ્થ જીવનની શુભેચ્છાઓ પાઠવવામાં આવી હતી.