જૂનાગઢ ક્રાઇમ બ્રાન્ચે નકલી દૂધ રેકેટમાં આરોપીને ધરપકડ કરી

જૂનાગઢ ક્રાઇમ બ્રાન્ચે ચાંદની ચોક (ડુંગરપુર) ખાતે નકલી દૂધ બનાવવાના આરોપમાં ઇકબાલ ચૌહાણની ધરપકડ કરી. આરોપી પામોલીન તેલ, પાવડર અને પાણી મિક્સ કરીને ડુપ્લિકેટ દૂધ તૈયાર કરતો હતો.

આ બનાવોટી દૂધને અસલી દૂધમાં ભળવીને દરરોજ લગભગ 800 લીટર જેટલું વેચાણ કરવામાં આવતું હતું, જે નાગલપુર અને નાંદરખી ગામની ખાનગી ડેરીઓ મારફતે વેચાતું હતું.

તપાસ દરમિયાન રૂ. 86,640ની કિંમતનો મુદ્દામાલ જપ્ત કરવામાં આવ્યો, જેમાં 13 ડબ્બા પામોલીન તેલ, 50 પેકેટ સાગર પાવડર અને 5 બાંચ અમૂલ પાવડર શામેલ હતા. દૂધના સેમ્પલ FSL પરીક્ષણ માટે મોકલાયા છે.

આ કાળા કારોબારમાં આરોપી છેલ્લા 4-5 મહિનાથી જોડાયેલો હતો. તપાસ ચાલુ છે અને જૂનાગઢ તાલુકા પોલીસ સ્ટેશનમાં કાયદેસરની કાર્યવાહી હાથ ધરવામાં આવી રહી છે. ફૂડ એન્ડ ડ્રગ્સ વિભાગ અને પોલીસએ આ અસામાજિક તત્વો સામે લાલ આંખ કરી છે.