ମହାନଦୀରେ ଭାସିଗଲେ ୩ ସାଙ୍ଗ: ୨ ଉଦ୍ଧାର, ଜଣେ ନିଖୋଜ

ମହାନଦୀରେ ଗାଧୋଇବା ବେଳେ ଭାସିଗଲେ ନାବାଳକ। ସେ ନିଖୋଜ ଅଛନ୍ତି। ତାଙ୍କୁ ଉଦ୍ଧାର କରିବାକୁ ଉଦ୍ୟମ ଜାରି ରହିଛି। ଏହି ନାବାଳକଙ୍କ ଘର ଜଗତପୁର ବାଲିସାହି ଅଞ୍ଚଳରେ ବୋଲି ଜଣାପଡ଼ିଛି।ଏହି ନାବାଳକ ଓ ତାଙ୍କ ୨ ଜଣ ସାଙ୍ଗ ଆଜି ମହାନଦୀକୁ ଗାଧୋଇବା ପାଇଁ ଯାଇଥିଲେ। ଗାଧୋଉଥିବା ବେଳେ ୩ ଜଣଙ୍କ ନଦୀରେ ଭାସି ଯାଇଥିଲେ। ତେବେ ଦୁଇ ଜଣଙ୍କୁ ଉଦ୍ଧାର କରାଯାଇଥିଲା।

ନିଖୋଜ ନାବାଳକଙ୍କୁ ଉଦ୍ଧାର କରିବା ପାଇଁ ପ୍ରୟାସ ଜାରି ରଖିଛି ଅଗ୍ନିଶମ ବାହିନୀ।
ସୂଚନାଯୋଗ୍ୟ, ଗତକାଲି ଗଣେଶ ମୂର୍ତ୍ତି ଭସାଣ ବେଳେ ରାଜ୍ୟର ବିଭିନ୍ନ ସ୍ଥାନରେ ନଦୀ ଓ ପୋଖରୀରେ ବୁଡ଼ି ୭ ଜଣଙ୍କ ମୃତ୍ୟୁ ଘଟିଥିଲା। କିନ୍ତୁ ମୋଟ ଉପରେ ଗତକାଲି ନଦୀ ଓ ପୋଖରୀରେ ବୁଡ଼ି ୧୨ ଜଣଙ୍କ ମୃତ୍ୟୁ ଘଟିଥିଲା। ଅନ୍ୟ ୫ ଜଣଙ୍କ ମଧ୍ୟରୁ କିଏ ଗାଧୋଇବାକୁ ଯାଇ ବୁଡ଼ି ଯାଇଥିଲେ ତ କିଏ କର୍ମା ପୂଜା ପାଇଁ ବାଲି ଆଣିବାକୁ ଯାଇ ବୁଡ଼ି ଯାଇଥିଲେ।