બુધવારે મધ્યરાત્રે કામરેજની દુકાનોમાંથી ચોરી, તસ્કરોને શટર તોડી સામાન ઉઠાવ્યો

બુધવારે મધ્યરાત્રે કામરેજથી બારડોલી તરફ જતા એક્સપ્રેસ વે નજીક આવેલી જય અંબે રેસી.સામેની બે દુકાનના શટર અને તાળા તોડી તસ્કરે નિશાન બનાવી ખેદાન મેદાન કરી નાંખી અંદર રહેલો સામાન ઉઠાવી ગયા હતા.

દિગસમાં રહેતા આકાશ ઉક્કડભાઈ રાઠોડ તેમજ નારણભાઇ રવજીભાઈ આહીર દિગસની જય અંબે રેસી.સામે મુખ્ય રોડ નજીક દુકાન ચલાવી રોજી રોટી મેળવે છે.

બુધવારે મધ્ય રાત્રીએ અજાણ્યા તસ્કરે બંને દુકાનના શટર અને તાળા તોડી અંદર રહેલા ચોકલેટ, બિસ્કિટ, સિગારેટ, કોલડ્રિન્ક સહિતનો સામાન ઉઠાવી ગયા હતા. ઘટનાને પગલે ભોગ બનેલ બંને દુકાન દારે કામરેજ પોલીસ મથકે લેખિતમાં જાણ કરી હતી.