ભરૂચમાં બુલેટ ટ્રેન પ્રોજેક્ટથી ખેતરોમાં પાણી ભરાવ, ખેડૂતોમાં આક્રોશ

ભરૂચ જિલ્લામાં બુલેટ ટ્રેન અને ફ્રેઇટ કોરિડોરના નિર્માણ કામો ચાલુ છે, જેના કારણે વરસાદી પાણીનું યોગ્ય નિકાલ ન થવાને કારણે ખેતરોમાં પાણી ભરાઈ રહ્યું છે.

ખેડૂતોનું કહેવું છે કે પ્રોજેક્ટના કામ દરમિયાન કુદરતી નદી-નાળા બંધ થઈ ગયા છે, જેના પરિણામે ચોમાસામાં ખેતરો તળાવ જેવા બની ગયા છે, ખાસ કરીને ત્રાલસી અને કોઠી જેવા વિસ્તારોમાં પાકને ભારે નુકસાન થયું છે.

ખેડૂતોએ પ્રોજેક્ટ અધિકારીઓ અને સંબંધિત વિભાગને અનેક લેખિત અને મૌખિક રજૂઆતો કરી છે, પરંતુ કાયમી નિકાલ વ્યવસ્થા કરવામાં આવી નથી, જેથી લાંબા સમય સુધી પાણી ભરાઈ રહે છે અને હજારો વીઘા જમીનમાં ઊભા પાકને નુકસાન થયું છે.

હવે ખેડૂતો વિભાગ અને પ્રોજેક્ટના જવાબદાર અધિકારીઓ સામે કડક પગલાંની માંગ કરી રહ્યા છે અને સ્થળ તપાસ કરીને કાયમી નિકાલ વ્યવસ્થા કરવાની વિનંતી કરી રહ્યા છે.