જાફરાબાદમાં પાંચ દિવસ માટે માછીમારી બંધ, ભારે પવનની ચેતવણી

મદદનીશ મત્સ્યોદ્યોગ નિયામક, જાફરાબાદની કચેરી દ્વારા 14/09/2026 થી શરૂ થતી પાંચ દિવસની અવધિ માટે દરિયામાં ભારે પવન અને ઊંચા મોજાની સંભાવના કારણે માછીમારોને માછીમારી બંધ કરવાની સૂચના આપવામાં આવી છે.

પરિપત્રમાં જણાવાયું છે કે જાફરાબાદ, શિયાળબેટ, ચાંચ બંદર, નવાબંદર, સૈયદ રાજપરા, સિમર અને ખડાબંદરના તમામ મત્સ્ય ઉતરાણ કેન્દ્રોના માછીમાર બોટ માલિકો અને સહકારી મંડળીના પ્રમુખોને આ સૂચના આપવામાં આવી છે.

હવામાન વિભાગ અમદાવાદ અને વડી કચેરી ગાંધીનગર દ્વારા જારી કરાયેલા બુલેટિન મુજબ દરિયામાં 41 કિ.મી/કલાકથી 61 કિ.મી/કલાકની ઝડપે પવન ફૂંકાવાની અને ગાંડોતૂર દરિયાની શક્યતાઓ દર્શાવવામાં આવી છે.

આથી, તમામ માછીમારી બોટોને તાત્કાલિક અસરથી બંદર ઉપર પરત બોલાવવામાં આવ્યા છે અને નજીકના સુરક્ષિત બંદર પર પાર્ક કરવા માટે આદેશ આપવામાં આવ્યો છે, જ્યાં સુધી વધુ સૂચના ન મળે.

આ પગલાં માછીમારોની જાન-માલની સુરક્ષા માટે લેવામાં આવ્યા છે અને સ્થાનિક સત્તાવાળાઓએ માછીમારી પ્રવૃત્તિઓ પર નિયંત્રણ રાખવાનું કહ્યું છે.