પાલેજ પંથકમાં ગાજવીજ સાથે વરસાદે ખુશી અને ખેડૂતોમાં આશા જાગી

પાલેજ સહિત સમગ્ર પંથકમાં ગાજવીજ સાથે વરસાદ વરસ્યો હતો. એક મહિનાની લાંબી રાહ જોવડાવ્યા બાદ વરસાદે દસ્તક દેતાં લોકોમાં ખુશી અને આનંદની લાગણી જોવા મળી હતી.

વરસાદ મનમુકીને અને જોઈએ તેટલો વરસ્યો ન હતો, તેમ છતાં વરસાદ પડતાં ખેડૂતોમાં સારા વરસાદની આશા જાગી છે.

છેલ્લા કેટલાક દિવસથી ચાલી રહેલા અસહ્ય બફારા અને ગરમીમાં પણ નોંધપાત્ર ઘટાડો થતાં લોકોને રાહત મળી હતી. ખેતીવાડીમાં પિયત પાણી મુકવાની શરૂઆત થઈ ચૂકી હતી અને નહેરોમાં પાણી છોડવાની પણ ખેડૂતોની માંગ હતી. ખેતી માટે જ્યોતિ ગ્રામ વીજ લાઈનમાં વીજ પૂરવઠો વધારવાની પણ માંગ હતી.

વરસાદે દસ્તક દેખતા જી.ઇ.બી વાળાઓનો મહદ્અંશે ચિંતામાં ઘટાડો થયો છે.