ભરૂચના પાંચબત્તી વિસ્તારમાં માર્ગ પર પડેલા ખાડાને હોમગાર્ડ જવાને બ્લોક મૂકી પુર્યો, સરાહનીય કામગીરી

ભરૂચ શહેરમાં ફરજ બજાવતા એક હોમગાર્ડના જવાન દ્વારા સરાહનીય કામગીરી કરવામાં આવી છે. શહેરના વ્યસ્ત ગણાતા પાંચબત્તી વિસ્તારમાં માર્ગ પર એક મોટો ખાડો પડી ગયો હતો. આ ખાડાના કારણે વાહનચાલકોને મુશ્કેલી ન પડે અને કોઈ અકસ્માત ન સર્જાય તે માટે હોમગાર્ડ જવાને તાત્કાલિક પગલાં લીધા હતા.

ટ્રાફિક નિયમનની સાથે સાથે સામાજિક જવાબદારી સમજીને આ જવાને રસ્તા પર પડેલા ખાડામાં બ્લોક ગોઠવીને તેને વ્યવસ્થિત રીતે પુરી દીધો હતો. જવાનની આ ત્વરિત અને પ્રશંસનીય કામગીરીને કારણે સંભવિત અકસ્માત ટળી ગયો હતો.

સ્થાનિક લોકો અને વાહનચાલકો દ્વારા હોમગાર્ડ જવાનની આ ઉમદા કામગીરીની ભારે પ્રશંસા કરવામાં આવી રહી છે. પોતાની ફરજ ઉપરાંત નાગરિકોની સુરક્ષા માટે કરવામાં આવેલી આ કામગીરી અન્ય લોકો માટે પણ પ્રેરણારૂપ બની છે.