વડિયામાં લાંબા વિરામ બાદ મેઘરાજાનું પધરામણ: ધીમી ધારે વરસાદથી વાતાવરણમાં ઠંડક, ખેડૂતોમાં ખુશીની લહેર

વડિયા તથા આસપાસના ગ્રામ્ય વિસ્તારોમાં લાંબા સમયના વિરામ બાદ આજે હવામાનમાં અચાનક પલટો આવ્યો હતો અને મેઘરાજાએ ધીમી ધારે પધરામણ કર્યું હતું. આકાશમાં કાળાડિબાંગ વાદળોની ઘેરાબંધી વચ્ચે પડેલા વરસાદી છાંટા અને હળવા વરસાદથી સમગ્ર વાતાવરણમાં આહલાદક ઠંડક પ્રસરી ગઈ છે.

વરસાદના આગમનને કારણે વિસ્તારના ખેડૂતોમાં ખુશીનો માહોલ છવાઈ ગયો છે. છેલ્લા કેટલાક સમયથી વરસાદ ખેંચાતા ઊભા પાકને પાણીની ભારે જરૂરિયાત હતી, ત્યારે આ વરસાદી ઝાપટાંએ પાક માટે સંજીવની સમાન કામ કર્યું છે. ખેતરોમાં લહેરાતા પાકને નવજીવન મળતાં જ ખેડૂતોના ચહેરા પર ચમક જોવા મળી રહી છે.