🔥 TRENDING Special Indore‑Bihar Trains Run Today... Bihar Minister Says Major Projects to... Madhya Pradesh CM Mohan Yadav postpone... ભરૂચ તાલુકાની 77 ગ્રામ પંચાયતોમાં સરપં... રાજકોટમાં વધુ એક હત્યા! મોરબી રોડની વે... BPSC 72nd Exam 2026 Schedule Released,...
20 Nov 2026•
ગુજરાતી मराठी ਪੰਜਾਬੀ বাংলা
અમરેલી જિલ્લામાં ત્રણ સ્થળોએ પોલીસના દરોડા: ૧૬ જુગારીઓ ઝડપાયા, ૩૩ હજારથી વધુની રોકડ જપ્ત
Crime

અમરેલી જિલ્લામાં ત્રણ સ્થળોએ પોલીસના દરોડા: ૧૬ જુગારીઓ ઝડપાયા, ૩૩ હજારથી વધુની રોકડ જપ્ત

✍️ Reporter: Rangpara Shaileshbhai 🗓 14 Sep 2026, 12:48 PM 👁 101
Watch on: ▶️ YouTube
Share: 💬 WhatsApp 📘 Facebook 𝕏 Post

અમરેલી જિલ્લામાં પોલીસે ત્રણ અલગ-અલગ સ્થળોએ દરોડા પાડીને જુગાર રમતા ૧૬ શખ્સોને ઝડપી લીધા છે, જ્યારે ખાંભાના મુંજીયાસર ગામેથી ૭ જુગારીઓ ફરાર થઈ ગયા છે.

અમરેલી જિલ્લામાં પોલીસે જુગાર પ્રવૃત્તિ સામે લાલ આંખ કરી છે. પોલીસે જિલ્લામાં ત્રણ અલગ-અલગ સ્થળોએ દરોડા પાડીને જુગાર રમતા કુલ ૧૬ જુગારીઓને ઝડપી પાડ્યા છે. આ સફળ કામગીરી દરમિયાન પોલીસે આરોપીઓ પાસેથી કુલ રૂ. ૩૩ હજારથી વધુની રોકડ રકમનો મુદ્દામાલ જપ્ત કર્યો છે.

પ્રાપ્ત વિગતો અનુસાર, બગસરામાં જાહેરમાં જુગાર રમી રહેલા ૫ ઈસમોને પોલીસે રોકડા રૂ. ૧૦,૧૭૦ સાથે રંગેહાથ ઝડપી લીધા હતા. બીજી તરફ, ખાંભા તાલુકાના મોટા મુંજીયાસર ગામેથી તીનપત્તીનો જુગાર રમતા ૬ ઈસમો રૂ. ૧૧,૯૬૦ ની રોકડ સાથે ઝડપાયા હતા. જોકે, આ દરોડા દરમિયાન અન્ય ૭ ઈસમો પોલીસને થાપ આપીને નાસી છૂટવામાં સફળ રહ્યા હતા.

આ ઉપરાંત, ખાંભાના જ ખડાધાર ગામેથી પણ પોલીસે રેઇડ દરમિયાન ૫ જુગારીઓને રૂ. ૧૧,૨૩૦ ના મુદ્દામાલ સાથે ઝડપી પાડ્યા હતા. પોલીસે પકડાયેલા તમામ આરોપીઓ વિરુદ્ધ જુગારધારાની કલમ હેઠળ ગુનો નોંધીને આગળની કાયદેસરની કાર્યવાહી હાથ ધરી છે.
📲Get App