સુરતના નાનાં વરાછા વિસ્તારમાં ચોર સ્ટીલ ગ્રીલમાં ફસાયો, સ્થાનિકોએ દંડા વડે માર્યો

સુરતના નાનાં વરાછા વિસ્તારમાં આવેલા એક બંધ બંગલામાં ચોરીના ઈરાદે ઘૂસેલા તસ્કરની હાલત કફોડી થઈ ગઈ હતી.

ઘરની બારીની સ્ટીલની જાળીમાંથી અંદર પ્રવેશવા જતાં તે વચ્ચે જ ફસાઈ ગયો હતો. આ દરમિયાન સ્થાનિક લોકો ભેગા થઈ ગયા હતા અને ફસાયેલા ચોરને બહાર કાઢવાને બદલે દંડા વડે મેથીપાક ચખાડ્યો હતો.

આ સમગ્ર ઘટનાનો વીડિયો સોશિયલ મીડિયા પર વાયરલ થતાં કાપોદ્રા પોલીસ એક્શનમાં આવી ગઈ હતી અને તપાસનો ધમધમાટ શરૂ કર્યો હતો.

પોલીસે જણાવ્યું કે ઘટના 10 દિવસ જૂની છે અને અજાણ્યા શખ્સની ઓળખ બાકી છે. વિડિયો દર્શાવે છે કે યુવક મકાનની સ્ટીલની ગ્રીલ વચ્ચે ફસાયેલો છે અને આસપાસ ભેગા થયેલા લોકો તેને ચોર સમજીને લાકડી અને દંડા વડે માર મારતા જોવા મળે છે.

હાલમાં પોલીસ તપાસમાં છે અને ઘટનાની ચોક્કસ વિગતો હજુ સુધી બહાર આવી નથી.