મુખ્યમંત્રી ભૂપેન્દ્ર પટેલ અને નાયબ મુખ્યમંત્રી હર્ષ સંઘવી દ્વારા ગાંધીનગરમાં 'તાલુકા સેવા સદન'નું લોકાર્પણ..

મુખ્યમંત્રી ભૂપેન્દ્ર પટેલ તથા નાયબ મુખ્યમંત્રી હર્ષ સંઘવીના વરદ્હસ્તે મહેસૂલ વિભાગ હેઠળના ‘તાલુકા સેવા સદન’નું લોકાર્પણ કરવામાં આવ્યું હતું.આ નવા સેવા સદનના ઉદઘાટનથી પ્રશાસનિક કામગીરીમાં વધુ પારદર્શિતા અને ઝડપ આવશે તેવી અપેક્ષા રાખવામાં આવી છે.

માર્ગ અને મકાન વિભાગ દ્વારા નિર્મિત આ તાલુકા સેવા સદન અત્યંત આધુનિક છે અને તમામ જરૂરી સુવિધાઓથી સજ્જ કરવામાં આવ્યું છે. આ ઈમારતનું નિર્માણ જનતાની સુવિધાને ધ્યાનમાં રાખીને કરવામાં આવ્યું છે..

આ સેવા સદન કાર્યરત થવાથી ગાંધીનગર તાલુકાની જનતાને વિવિધ સરકારી સેવાઓ એક જ સ્થળેથી ઉપલબ્ધ થશે. જેના કારણે નાગરિકોને હવે અલગ-અલગ કચેરીઓના ધક્કા ખાવા પડશે નહીં અને તેઓ સરળતાથી, ઝડપી તેમજ સુવ્યવસ્થિત રીતે સરકારી સેવાઓનો લાભ લઈ શકશે.