મુંદરા સીટી પોલીસ સ્ટેશન હદ વિસ્તારમાં નોંધાયેલા વણશોધાયેલા મોટરસાયકલ ચોરીના ગુનાની તપાસ દરમિયાન પોલીસે સફળતાપૂર્વક ભેદ ઉકેલીને ચોરીની મોટરસાયકલ સાથે એક આરોપીને ઝડપી પાડ્યો છે.

પોલીસ તપાસ અંતર્ગત આરોપી રમેશ આતુ પરમાર, રહેવાસી શક્તીનગર, મુંદરાને ચોરી થયેલી મોટરસાયકલ સાથે ઝડપી પાડવામાં આવ્યો હતો. આરોપી પાસેથી અંદાજિત રૂ. ૫૦,૦૦૦/- ની કિંમતની મોટરસાયકલ કબજે કરવામાં આવી છે.
આરોપી વિરુદ્ધ મુંદરા પોલીસ સ્ટેશનમાં ગુ.ર. નં. ૧૩૮૫/૨૦૨૬ નો ગુનો ભારતીય ન્યાય સંહિતા (BNS) ની કલમ ૩૦૩(૨) હેઠળ નોંધવામાં આવ્યો છે.
પોલીસના જણાવ્યા અનુસાર, આરોપી અગાઉ પણ મુંદરા પોલીસ સ્ટેશનમાં નોંધાયેલા વિવિધ ગુનાઓમાં ઝડપાઈ ચૂક્યો છે. જેમાં વર્ષ ૨૦૨૧ અને ૨૦૨૨ દરમિયાન ચોરી, લૂંટ તથા ધમકી સહિતના ગુનાઓનો સમાવેશ થાય છે. આરોપી વિરુદ્ધ અગાઉ પ્રોહિબિશન એક્ટ હેઠળના ગુનાઓમાં પણ કાર્યવાહી થઈ હોવાનું જણાવાયું છે.
આરોપી સામે અગાઉ નોંધાયેલા મુખ્ય ગુનાઓ નીચે મુજબ છે:
ગુ.ર. નં. ૪૨૦/૨૦૨૨
ગુ.ર. નં. ૫૮૮/૨૦૨૧
ગુ.ર. નં. ૫૮૪/૨૦૨૧
ગુ.ર. નં. ૫૯૧/૨૦૨૧
(મુંદરા પોલીસ સ્ટેશન)