કામરેજ સુગર સહકારી મંડળી: અશ્વિન પટેલ ફરી પ્રમુખ બન્યા, ઉપપ્રમુખ પદે છાયાબેન ગોહિલની વરણીથી વિરોધનો સૂર

કામરેજ વિભાગ સહકારી ખાંડ ઉદ્યોગ મંડળીની ચૂંટણી પૂર્ણ થયાના દિવસો સુધી ચાલેલી અસમંજસ બાદ અંતે ભાજપના મેન્ડેડથી પ્રમુખ અને ઉપપ્રમુખની વરણી સંપન્ન થઈ છે.

પ્રમુખ તરીકે પુન : અશ્વિન પટેલની પસંદગી કરાઇ છે. જ્યારે સંસ્થાના ઉપ પ્રમુખ પદે છાયાબેન ગોહિલની વરણી કરવામાં આવી છે. પરંતુ ઉપપ્રમુખ પદને લઇ ભારૂંડીના અમીત પટેલ સમર્થીત જુથનો અસંતોષ જોવા મળ્યો છે.

ભારૂંડી ગામના જ અજીત પટેલ સહિતના સમર્થકોએ ઉપપ્રમુખ પદ માટે અમીત પટેલને સમર્થન આપતા જણાવ્યું હતું કે, ઓલપાડ તાલુકાના ભારુંડી ગામના અગ્રણી અમિત પટેલ છેલ્લા 17 વર્ષથી સુગરમાં ડિરેક્ટર તરીકે સક્રિય છે. અને તેઓ પણ ઉપપ્રમુખ તરીકે તેમની દાવેદારી પ્રબળ મનાતી હતી. પરંતુ આખરે ઉપપ્રમુખ પદે છાયાબહેન ગોહીલની વરણી થવાને લઇ તેમણે નારાજગી વ્યક્ત કરી વિરોધ નોંધાવતા માહોલ ગરમાયો હતો