પલસાણા પોલીસે ડીંડોલી પ્રોહિબિશન ગુનામાં નાસતા આરોપીને ઝડપી

પલસાણા પોલીસે ડીંડોલી પોલીસ સ્ટેશનની હદમાં પ્રોહિબિશન ગુનામાં નાસતા આરોપીને ઝડપી પાડ્યો. પોલીસ સ્ટાફ પેટ્રોલિંગ દરમિયાન તેમને ખાનગી બાતમી મળી.

બાતમી મુજબ, આરોપી નિરજસિંગ શ્યામબહાદુરસિંગ રાજપૂત, જે જોળવા ગામની સીમમાં આવેલા J.K. ઢાબા ખાતે જમવા બેઠો હતો, તે પ્રોહિબિશન ગુનામાં નાસતો હતો. આ માહિતી એસઆઈ મુકેશભાઈ વેલજીભાઈ અને હેડ કોન્સ્ટેબલ રોહિતભાઈ પરસોત્તમભાઈને મળી.

પલસાણા પોલીસે તાત્કાલિક સ્થળ પર પહોંચી તપાસ કરી અને 32 વર્ષીય આરોપીને પકડી પાડ્યો. આરોપી મૂળ ઉત્તર પ્રદેશના પ્રયાગરાજ જિલ્લાના હડીયા તાલુકાના રાઉતપુર ગામનો રહેવાસી છે.

હાલ તે સુરત જિલ્લાના બારડોલી તાલુકાના મોતાગામની બાલાજી પાર્ક સોસાયટીના મકાન નં. 186માં રહે છે અને મજૂરી કામ કરતો હોવાનું જાણવા મળ્યું છે. પોલીસએ પ્રોહિબિશન એક્ટની કલમ 65(A)(E), 116(B) અને 98(2) હેઠળ ગુનો નોંધાવ્યો અને કાયદેસરની કાર્યવાહી કરી.