ભરૂચના કેશરોલ ગામમાં ગેરકાયદેસર ઇન્સ્યુલિન કચરો તળાવમાં છોડાયો, ગ્રામજનોમાં આક્રોશ

ભરૂચ જિલ્લામાં કેશરોલ ગામના તળાવમાં ટેમ્પો દ્વારા ગેરકાયદેસર રીતે ઇન્સ્યુલિન મટેરીઅલ વેસ્ટ ખાલી કરવામાં આવ્યું, જેની ફરિયાદ સ્થાનિકો દ્વારા કરવામાં આવી છે. આ કચરો કોઈ કંપની દ્વારા વરસાદી સરકારી કાંસના પ્રવાહને રોકવા માટે મૂકવામાં આવ્યો હોવાનો આક્ષેપ છે.

ગામવાસીઓ તળાવનું પાણી કપડાં ધોવા અને પશુઓને પાણી પીવડાવવા માટે ઉપયોગ કરતા હોવાથી, દૂષિત પાણીથી ગ્રામજનો અને પશુધનના આરોગ્ય માટે ગંભીર જોખમ ઊભો થયો છે. હાલ ગામમાં રોગચાળો ફેલાવાનો અને પશુઓના મોતનો ભય સેવાય રહ્યો છે.

ગૃહસ્થો જીપીસીબી (GPCB) અને સ્થાનિક મામલતદારને તાત્કાલિક સ્થળ તપાસ કરવા અને જવાબદાર કંપની તથા વાહનચાલક સામે કડક કાયદેસરની કાર્યવાહી કરવા માંગે છે. ગ્રામજનોની આ માંગને ધ્યાનમાં રાખીને સંબંધિત અધિકારીઓને તાત્કાલિક પગલાં લેવા માટે વિનંતી કરવામાં આવી છે.