મોગર-વડોદ મુખ્ય નહેરમાં કાર ખાબકી: આણંદ ફાયર બ્રિગેડે તાત્કાલિક રેસ્ક્યુ કામગીરી પૂર્ણ કરી

આણંદ ફાયર અને ઇમરજન્સી કન્ટ્રોલ રૂમમાં મળેલા ઇમરજન્સી કોલ પર, મોગર-વડોદ મુખ્ય નહેરમાં કાર ખાબકી હોવાની જાણકારી મળી.

ફાયર ઓફિસર ધર્મેશ ગોરની સૂચનાથી સબ ઓફિસર હિંમત ભૂરિયા અને રેસ્ક્યુ ટીમ આધુનિક ઇમરજન્સી રેસ્ક્યુ વ્હિકલ સાથે તાત્કાલિક ઘટનાસ્થળે પહોંચ્યા.

ફાયર બ્રિગેડના જવાનોએ નહેરમાં ખાબકેલી કારમાં ઊંડી તપાસ કરી, પરંતુ સઘન શોધખોળ દરમિયાન કારમાંથી કોઈ વ્યક્તિ મળી નહોતી અને કોઈ જાનહાનિ નોંધાઈ નહોતી.

આણંદ ફાયર બ્રિગેડે સમયસૂચકતા વાપરી ત્વરિત રેસ્ક્યુ કામગીરી પૂર્ણ કરી અને આગળની કાયદેસરની તપાસ હાથ ધરવામાં આવી.