કચ્છમાં પાણી પુરવઠા અને સ્વચ્છતા સમિતિની બેઠક: કલેક્ટરશ્રી અનિલ રાણાવસિયાએ લાંબા ગાળાના આયોજન પર ભાર મૂક્યો

કચ્છ કલેક્ટરશ્રી અનિલ રાણાવસિયાના અધ્યક્ષસ્થાને આજના દિવસે જિલ્લા જળ અને સ્વચ્છતા સમિતિની બેઠક યોજાઈ. બેઠકમાં કલેક્ટરશ્રી દ્વારા પાણી પુરવઠા અને સ્વચ્છતાના કામોની સમીક્ષા કરવામાં આવી અને વિવિધ વિભાગોના અધિકારીઓ, જેમ કે પાર્થ કોટડીયા, પ્રણવ વિઠાણી, માધુરીબેન પટેલ, એમ.જે. ક્રિશ્ચિયન, પાણી પુરવઠા બોર્ડ અને વાસ્મો, ઉપસ્થિત રહ્યા. અન્ય પ્રાંત અધિકારીઓ અને તાલુકા કક્ષાના અધિકારીઓ વર્ચ્યુઅલી જોડાયા.

બેઠકમાં વિલંબિત ચોમાસાના કારણે કચ્છ જિલ્લામાં પાણીની વર્તમાન સ્થિતિની સમીક્ષા કરી અને આગામી આયોજન, વૈકલ્પિક વ્યવસ્થા, ડેમમાં પાણીનો સ્ટોક અને તેની મર્યાદા, માઇક્રો પ્લાનીંગ, ટપ્પર ડેમથી વધારાનું પાણી પંપ કરવાની કામગીરી, નવીન શારકામ હેઠળ બોર બનાવવાની કામગીરી, કચ્છ બ્રાંચ કેનાલ આધારીત માંડવી તાલુકા માટે યોજના, ખાનગી ટેન્કર મારફતે પીવાના પાણી વિતરણના ટેન્ડરની વિગતો પર ચર્ચા થઈ. પશુઓના પીવાના પાણીની સ્થિતિ અને ભવિષ્યની જરૂરિયાતો પણ સમીક્ષા કરવામાં આવી.

કલેક્ટરશ્રીએ પાણીની વર્તમાન સ્થિતિને જોતા ડેમમાંથી સિંચાઇ માટે પાણીની ચોરી અટકાવવા અને કડક પગલા ભરવા અધિકારીઓને તાકીદ કરી. તેમણે કચ્છમાં પાણીના સ્થાનિક સોર્સ વધારવા, ભૂગર્ભ જળ ઉંચુ લાવવા અને જળસંચયના કામો સાથે પીવાના પાણી માટે લાંબા ગાળાના આયોજન કરવા સંલગ્ન વિભાગોને ખાસ સૂચના આપી. શહેર અને ગ્રામ્ય સ્તરે નવા બાંધકામમાં વોટર હાર્વેસ્ટીંગ સ્ટ્રક્ચરને ફરજિયાત કરવા સંદર્ભે ઠરાવ કરીને આ દિશામાં કામગીરી કરવા જણાવ્યું.

બેઠકમાં પાણી પુરવઠા બોર્ડ દ્વારા રીજુવીનેશન કાર્યક્રમ હેઠળ તૈયાર કરાયેલી યોજનાઓને સૈદ્ધાંતિક બહાલી આપવામાં આવી. ટોલ ફ્રી નંબર ૧૯૧૬ હેઠળ આવતી ફરિયાદોની સમીક્ષા, જલસેવા આંકલનની કામગીરી, પાણી વિતરણ વ્યવસ્થા સહિતની કામગીરી બાબતે કલેક્ટરશ્રી દ્વારા ચર્ચા કરી સમીક્ષા કરવામાં આવી. વિવિધ યોજનાઓના સંદર્ભમાં જરૂરી માર્ગદર્શન પૂરું પાડીને, તાલુકાદીઠ પાણી વિતરણ અને પાણીના જથ્થાની સમીક્ષા કરીને વિવિધ વિભાગોના સંકલનથી નક્કર આયોજન કરવા સૂચના આપવામાં આવી.