સુરતના સરથાણા વિસ્તારમાં બે ઠગ ટોળકી દ્વારા લાખો રૂપિયા છેતરપિંડી

સુરત શહેરમાં સરથાણા પોલીસ મથક વિસ્તારમાં બે અલગ-અલગ ઠગ ટોળકી દ્વારા નિર્દોષ નાગરિકોને લાખો રૂપિયા છેતરવામાં આવ્યા છે. પ્રથમ કિસ્સામાં 29 વર્ષીય ધ્રુષ્ટી બાલુભાઈ વેકરિયાએ સ્કૂલના વ્હોટ્સએપ ગ્રૂપમાં આવેલી જાહેરાતના આધારે 1.66 લાખ રૂપિયા ગુમાવ્યા, જ્યારે બીજા કિસ્સામાં હેવીલ નરશીભાઈ જાગાણીએ દંપતીને યુકેના વર્ક વિઝા અપાવવાની લાલચ આપી 29.17 લાખથી વધુની રકમ પડાવી લીધી. બંને મામલામાં સરથાણા પોલીસએ ગુનો નોંધાવી કાયદેસરની તપાસ હાથ ધરી છે.

ધ્રુષ્ટી બેન શાંતિવન સોસાયટીમાં રહેતી હતી અને ‘13, 14, 15 આશાદીપ સ્કૂલ સ્ટુડન્ટ’ નામના વ્હોટ્સએપ ગ્રૂપમાં જોડાયેલી હતી. ગ્રૂપમાં એક અજાણ્યા શખ્સે ‘ફ્લાઇટની ટિકિટ બુક કરાવવા માટે મારો સંપર્ક કરો’ તેવો મેસેજ મૂક્યો હતો. તેણીએ આ નંબર પર સંપર્ક સાધ્યો અને ટુકડે-ટુકડે 1,66,000 રૂપિયા ટ્રાન્સફર કરાવ્યા, પરંતુ ફ્લાઇટની કોઈ ટિકિટ મળી નહોતી. ગઠિયાએ ફોન બંધ કરી દીધો, અને ધ્રુષ્ટીબેન સરથાણા પોલીસ મથકે ફરિયાદ નોંધાવી.

બીજા બનાવમાં હેવીલ નરશીભાઈ જાગાણીએ સરથાણા, વાલક પાટિયા ખાતે સિદ્ધેશ્વર હાઈટ્સ પાસે આવેલી અવધ રેસિડેન્સીમાં રહેતા દંપતીને મનીષ રમેશ વાઘાણી અને નિશા રામાણી દ્વારા યુકે (લંડન)ના વર્ક વિઝા અપાવવાની ખાતરી આપી. ઓક્ટોબર 2023થી એપ્રિલ 2024 દરમિયાન દંપતી પાસેથી કુલ 29,17,950 રૂપિયા પડાવી લીધા, પરંતુ વિઝા ન મળ્યા અને પૈસા પરત ન મળ્યા. પોલીસ ફરિયાદ બાદ બંટી-બબલી સામે ગુનો દાખલ કરી તપાસ શરૂ કરી.

સરથાણા પોલીસ મથકે બંને કેસમાં ગુનો નોંધાવી તપાસ શરૂ કરી છે. પોલીસ અધિકારીઓએ ઠગ ટોળકીની ઓળખ અને તેમની પ્રવૃત્તિઓ પર કડક કાર્યવાહી કરવાની પ્રતિજ્ઞા કરી છે, જેથી આવી છેતરપિંડીથી અન્ય નાગરિકો સુરક્ષિત રહે.