ସ୍କୁଲ ଗେଟରେ ତାଲା ପକାଇ ବରଗଛ ମୂଳେ ବସିଲେ ଛାତ୍ରଛାତ୍ରୀ

ଶିକ୍ଷକ ନିଯୁକ୍ତି ପାଇଁ ବାରମ୍ବାର ଅଭିଯୋଗ ପରେ କୌଣସି ସୁଫଳ ନମିଳିବା ପରେ ଆଜି ସ୍କୁଲ ଗେଟର ତାଲା ପକାଇ ଉଭୟ ଛାତ୍ରଛାତ୍ରୀ ଓ ଅବିଭାବକ ଧାରଣା ଦେଇଛନ୍ତି । ଶିକ୍ଷକ ନିଯୁକ୍ତି ନହେବା ପର୍ଯ୍ୟନ୍ତ ଧାରଣାରେ ଛାତ୍ରଛାତ୍ରୀ ଓ ଅଭିଭାବକ ବସିରହିବେ ବୋଲି କହିଛନ୍ତି ।
ଏହି ସ୍କୁଲରେ ଶିଶୁ ବାଟିକାରୁ ଅଷ୍ଟମ ଶ୍ରେଣୀ ପ୍ରଯ୍ୟନ୍ତ ଶ୍ରେଣୀ ରହିଛି। ଯେଉଁଥିରେ ମୋଟ ୨ ଶହରୁ ଉର୍ଦ୍ଧ ଛାତ୍ରଛାତ୍ରୀ ଅଧ୍ୟୟନ କରନ୍ତି । ହେଲେ ଏଥିପାଇଁ ୭ ଜଣ ଶିକ୍ଷକ ଆବଶ୍ୟକ ହେଉଥିଲା ବେଳେ ଏଵେ ଜଣେ ମାତ୍ର ଶିକ୍ଷକ ଅଛନ୍ତି । ଯାହାଫଳରେ ପିଲାଙ୍କ ପାଠ ପଢ଼ାରେ ବହୁ ସମସ୍ୟା ଉପୁଯୁଛି ।ଏନେଇ ଅଭିଭାବକମାନେ ବାରମ୍ବାର ଶିକ୍ଷା ବିଭାଗ ନିକଟରେ ଅଭିଯୋଗ କରିବା ପରେ ମଧ୍ୟ ବିଭାଗ ପକ୍ଷରୁ କୌଣସି ସୁଫଳ ମିଳିନଥିଲା। ତେଣୁ ଆଜି ଅଭିଭାବକ ଓ ଛାତ୍ରଛାତ୍ରୀମାନେ ସ୍କୁଲ ଗେଟର ତାଲା ପକାଇ ଶିକ୍ଷକ ନିଯୁକ୍ତି ପାଇଁ ଧାରଣା ଦେଇଛନ୍ତି।