ବୁଡିଯାଉଥିବା ନାବାଳିକାଙ୍କ ଜୀବନ ବଞ୍ଚାଇ ନିଜେ ଚାଲିଗଲେ

ଗ୍ରାମର ମଠ ପୋଖରୀରେ ଗାଧୋଉଥିବା ବେଳେ ଦୁଇ ଜଣ ନାବାଳିକା ବୁଡିଯାଉଥିବାର ଦେଖି ସ୍ୱେଚ୍ଛାସେବୀ ସସ୍ମିତା ବରାଡ ପାଣି ଭିତରକୁ ଡେଇଁପଡିଥିଲେ । ସେ ଉଭୟ ନାବାଳିକାଙ୍କୁ ପାଣି ଭିତରୁ ଉଦ୍ଧାର କରିଥିଲେ । କିନ୍ତୁ ନିଜେ ପାଣି ଭିତରୁ ବାହାରି ପାରି ନଥିଲେ।
ଉଦ୍ଧାର ପାଇଥିବା ପିଲାମାନଙ୍କ ଚିତ୍କାର ଶୁଣି ସ୍ଥାନୀୟ ଲୋକେ ସସ୍ମିତାଙ୍କୁ ପାଣିରୁ ବାହାର କରିବାକୁ ଚେଷ୍ଟା କରିଵାକୁ ଯାଇ ବିଫଳ ହୋଇଥିଲେ । ପରେ ବୋଲଗଡ଼ ଅଗ୍ନିଶମ ବାହିନୀକୁ ଖବର ଦେଇଥିଲେ। ଅଗ୍ନିଶମ ବାହିନୀ ପହଞ୍ଚି ଗଭୀର ପାଣି ଭିତରୁ ସସ୍ମୀତାଙ୍କୁ ଉଦ୍ଧାର କରି ବୋଲଗଡ଼ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ।ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ବୋଲଗଡ଼ ଥାନା ପୁଲିସ ମୃତ ମହିଳାଙ୍କ ଶବ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିଲେ । ପରେ ପରିବାର ଲୋକେ ପୁରୀ ସ୍ୱର୍ଗଦ୍ୱାରରେ ତାଙ୍କର ଶେଷକୃତ୍ୟ କରିଥିବାର ସୂଚନା ମିଳିଛି ।