હિંમતનગરમાં રોડ વિકાસકાર્યનું ખાતમુહૂર્ત,ધારાસભ્ય વિનેન્દ્રસિંહ ઝાલા સહભાગી..

સાબરકાંઠા જિલ્લામાં હિંમતનગર શહેરની માતૃછાયા સોસાયટી ખાતે રોડ વિકાસકાર્યનું ખાતમુહૂર્ત કરવામાં આવ્યું.

આ પ્રસંગે ધારાસભ્ય વિનેન્દ્રસિંહ ઝાલા,પ્રદેશ કિસાન મોરચાના પૂર્વ અધ્યક્ષ હિતેષભાઇ પટેલ, નગરપાલિકા પ્રમુખ અરુણાબેન કડિયા, કારોબારી અધ્યક્ષ રાહુલભાઇ પટેલ,નીતિનભાઇ પરમાર, વાચાબેન જોશી અને અન્ય સ્થાનિક આગેવાનો તથા સોસાયટીના રહેવાસીઓની ઉપસ્થિતિમાં વિકાસકાર્યનો શુભારંભ થયો.

ખાતમુહૂર્ત સમારંભમાં પ્રોજેક્ટની મહત્વતા અને સ્થાનિક પરિવહન સુધારણા માટેની અપેક્ષાઓ પર ભાર મૂકાયો. રહેવાસીઓએ આ માર્ગને શહેરની આવશ્યકતા તરીકે સ્વીકાર્યું.

કાર્યક્રમ દરમિયાન ઉપસ્થિત અધિકારીઓએ માર્ગની સમયસર પૂર્ણતા અને ગુણવત્તા માટેની પ્રતિબદ્ધતા વ્યક્ત કરી.