ଜଳିଗଲା ୪ ବଖରା ଘର

ଗୁହାଳରେ ଥିବା ୬୫ ଛେଳିରୁ ୫୦ ନିଆଁରେ ପୋଡି ହୋଇ ମୃତ । ୧୫ ଛେଳି ଅର୍ଦ୍ଧ ଦଗ୍ଧ ହୋଇଥିବାର ସୂଚନା ମିଳିଛି । ଖବର ପାଇ ଅଡଶପୁର ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା । ଘଟଣା ପରେ ପରିବାର ଲୋକ ଦୁଃଖରେ ଭାଙ୍ଗିପଡିଛନ୍ତି ।
ଏହି ଦୁର୍ଘଟଣାରେ ୪ ବଖରା ଘର ପୋଡି ପାଉଁଶ ହୋଇଥିବା ବେଳେ ଏକ ଗ୍ୟାସ ସିଲିଣ୍ଡର ବିସ୍ଫୋରଣ ହୋଇ ନିଆଁକୁ ବ୍ୟାପକ କରିଥିଲା ।ଭରତ ମଲ୍ଲିକଙ୍କ ଆସବାବ ପତ୍ର ସବୁ ନିଆଁରେ ଜଳିଯାଇଥିବାରୁ ପରିବାର ପାଖରେ ପିନ୍ଧିବାକୁ ବସ୍ତ୍ର କି ଖାଇବାକୁ ଖାଦ୍ୟ ନାହିଁ। ତେଣୁ ତୁରନ୍ତ ସରକାରୀ ସହାୟତା ଯୋଗାଇବାକୁ ଦାବି କରିଛନ୍ତି ପରିବାର ଲୋକେ ।