બોટાદમાં શ્રીકષ્ટભંજનદેવ હનુમાનજી મંદિર: શ્રાવણ શનિવારે ચોકલેટ દિવ્ય શણગાર અને ભવ્ય અન્નકૂટ

બોટાદ સ્થિત વિશ્વપ્રસિદ્ધ સાળંગપુર શ્રીકષ્ટભંજનદેવ હનુમાનજી મંદિરે શ્રાવણ માસના શનિવારે દાદાને ચોકલેટથી બનેલા દિવ્ય શણગાર અને ભવ્ય અન્નકૂટનું આયોજન કર્યું.

શાસ્ત્રી સ્વામી હરિપ્રકાશદાસજીની પ્રેરણા અને કોઠારી સ્વામી વિવેકસાગરદાસજીના માર્ગદર્શન હેઠળ આ આયોજન કરવામાં આવ્યું, જેમાં દાદાને ચાંદીનો મુકુટ અને એમ્બ્રોઇડરી વાઘા ધારણ કરાવવામાં આવ્યા. સિંહાસનની બંને તરફ ચોકલેટથી બનેલા દિવ્ય મોર અને પાંખોની આકર્ષક કૃતિ તૈયાર કરવામાં આવી.

સવારે મંગળા અને શણગાર આરતી બાદ મોટી સંખ્યામાં ભક્તોએ પ્રત્યક્ષ અને ઓનલાઈન દર્શન કરી ધન્યતા અનુભવી.